Интернационална работилница - Гратче 2026

Викенд за паметење…

Прекрасни 28 луѓе кои на едно место споделуваат радости и тага, соништа и сомнежи, надежи и стравови.

Но, пред се ја споделуваат љубовта кон човекот.

Љубовта кон психологијата.

Љубовта кон Гешталт психотерапијата.

Токму тоа се случуваше на завршната работилница за едукантите по Гешталт едукацијата -  која се одржа минатиот викенд во прекрасното место Гратче во Кочани.

Низ текот на 4 дена - едукантите имаа можност да искусат 11 работилници меѓу кои:

• Свесност и справување со срамот

• Истражување на својот животен круг составен од релации, улоги, емоции, потреби.

• Љубов и интимност

• Свесност, апетит и емоции

• Гешталт експеримент на театарска сцена

• Градење заедница

• Позитивна проекција

• Мистичните корени на Гешталт

• ПТСН - Гешталт пристапот кон траумата 

• Неурографика - Контакт преку линија, форма и свесност

• Рефлексивен журнал - Дневникот на ништотијата

Групните работилници се навистина лекувачки, освестувачки, инспиративни и мотивирачки.

Исполнети се со сочувство, емпатија и многу топли прегратки.

Водат кон живот со поголема свесност, автентичност, мир и слобода.

Кон повеќе поврзаност со себе и останатите околу нас.

Доколку сакаш можеш да погледнеш како си поминавме на следново видео.

https://video.wixstatic.com/video/2a8ade_1e3fddc43c5948c7b22a7a2f6515b813/720p/mp4/file.mp4