„Бидете најдобрата верзија од себе!“

Оваа програма претставува интегриран, креативен и трансформативен пристап кон личниот и професионалниот развој, прилагоден на современиот човек и неговите реални предизвици.

Досега, програмата успешно е имплементирана со групи на психолози, педагози и наставници од средните училишта во Скопје, како и со практичари од Гешталт Институтот при СХС, и наиде на широк одзив, мотивација и длабоко задоволство кај сите учесници.

​

Зошто да се приклучите?

Ако се препознавате во некое од следните прашања, оваа обука е за вас:

● Чувствувате потреба за лична промена?
● Сакате подобри односи и повеќе разбирање во релациите?
● Ве интересира како да се справите со внатрешни конфликти или несигурност?
● Сметате дека вашата креативност спие?
● Тешко ви оди одржувањето баланс помеѓу работа и приватен живот?
● Сакате да растете – емотивно, ментално и професионално?

​

Што ќе добиете преку оваа програма?
● Поголема самосвест и способност за лична рефлексија
● Подобрување на комуникациските и релациските вештини
● Поттик за активирање на креативните потенцијали
● Поддршка за донесување значајни лични и професионални одлуки
● Алатки за справување со стрес, несигурност и лични предизвици
● Чувство на припадност, разбирање и безбедно место за раст

​

Модул 1: Личен раст и развој
Истражете ги вашите вредности, емоции и лични потреби. Преку практични вежби, дијалози и групна поддршка, ќе откриете начини да се грижите за себе и да изградите посилна врска со своето автентично „јас“.

​

Модул 2: Кариерен раст и развој
Дефинирајте ги вашите цели, откријте го вашиот професионален идентитет и изградете визија за работа што ви носи смисла. Совладајте алатки за личен брендинг, мотивација и адаптација на современиот пазар на труд.

​

Модул 3: Релации
Развивајте емпатично слушање, автентична комуникација и вештини за поставување граници. Работете на вашите партнерски, семејни или професионални односи преку разбирање и прифаќање на себе и другиот.

​

Модул 4: Развој на креативност

Креативноста не е резервирана само за уметниците. Таа е алатка за живот. Ќе научите како да го откриете вашиот внатрешен творечки глас, како да се ослободите од самокритика и како да ги реализирате своите идеи – со полна инспирација и јасност.

​

Начин на работа
Обуката се одвива преку интерактивни работилници, групни сесии, креативни вежби и лични рефлексии, под водство на искусни обучувачи и психолози. Секој модул нуди простор за лично истражување и поврзување со други учесници во поддржувачка средина.

 

Инвестирајте во себе – за живот со повеќе смисла, мир и радост.