Историјат

Во тренингот се вклучени Гешталт
тренери и надворешни соработници кои со својата професионалност и
искуство придонесуваат на квалитетот на едукативниот процес кој
континуирано се одвива во СХС.

​

 

Портфолио на Советувалиштето за хумана соработка

​

Советувалиштето за хумана соработка (СХС) е реномирана организација и Гешталт тренинг институт со повеќе од една деценија активно дејствување во областа на менталното здравје, неформалното образование и психо- социјалната поддршка. Организацијата нуди висококвалитетни психотерапевтски услуги, обуки и едукации, усогласени со стандардите на Европската Асоцијација за Гешталт терапија.

​

Главни области на работа
Психотерапија со индивидуи, семејства и групи
Советување, супервизија и коучинг
Обука и едукација во гешталт терапија
Онлајн терапија и групна психотерапија
Психо-социјална поддршка во кризни ситуации
Психолошка прва помош
Психо-дијагностика и психолошко тестирање во различни контексти
Развој на меки вештини и тимска работа
Едукации за инклузивно образование и работа со ученици со посебни образовни потреби

​

Клучни проекти и соработки

Од 2010 година до денес, СХС има реализирано бројни проекти и обуки во соработка со домашни и меѓународни партнери. Некои од поважните ангажмани вклучуваат:

● Континуирана организација на Гешталт обуки, психотерапија и супервизии во Македонија и Турција.
● Учество во ЕРАСМУС+ проектот „The Art to Dance Community“ во Германија, каде танцот и музиката се користат како алатки за социјална инклузија.
● Соработка со Georgian National Gestalt Institute и други организации за спроведување на работилници за работа со траума и ментално здравје.
● Водење на психотерапевтска група во рамки на НВО „Мисла“.

● Имплементација на обуки за инклузивно образование со повеќе од 500 учесници од средни училишта во Скопје.
● Трансформациски коучинг за млади во проект на Consilium Development and Training.
● Обуки за вработени во социјални служби во соработка со Министерството за труд и социјална политика.
● Проекти за млади невработени лица и жени-претприемачи преку соработка со Цефе Македонија, Уникум Куманово и GIZ.
● Ангажман во рамки на Црвениот крст на Македонија за јакнење на капацитетите за психолошка прва помош.
● Учесници и обукочители во ЕУ ИПА проект за активно вклучување на маргинализирани групи.
● Придонес кон развој на нова генерација лидери преку обуки за презентациски и лидерски вештини во рамки на ЕРАСМУС проекти.
● Организација на интернационална конференција за Гешталт терапевти во ЦЕИ регионот.
● Развој на програми тренинг материјали во соработка со ОБСЕ и град Скопје.

​

Советувалиштето за хумана соработка претставува пример за професионализам, хуманост и посветеност во поддршката на менталното здравје и личниот развој. Со својата работа, СХС не само што нуди услуги, туку создава трајно влијание во заедницата преку образование, иновација и интеркултурна соработка.

​

Соработки со други институции
Психолариум
Анима Битола
Психогенезиз Куманово